IYIOO LOIKOP/SAMPUR
Ikitodoutua Ainguaa Maikuapi, eiruk lkumo lang ajo Maikuapi e Loosaen, kindurrakita ngoji neji taata Kenya lari maa iip iip oisha. Ikintipat
iyioo Lmaasae nenyika iyioo nkiroroto e Lngejep lenkutuk e Maa.
Kesipa, kejoki iyioo nkatini, keata apa lpayian owa ng’orio uni; neiu nabo
Sampurri, neiu nkae lmaasani neiu nkae laikipiai. Kore nkarna ang apa
naitushul kuna ajijik naa keji Loibor Kineji. Naa kore nkarna aang naji
‘Samburu’ naa keing’uaa likinapie nikipik, nkiri Oji; “Sampurr”
Kore taata naa keatae Loikop oobaki nkalupuni iip isiet (800,000) nemanya distriki naapudare iyioo; etii taa Laikipia, Isiolo, Marsabit, Baringo,
O Turkana. Kore si naa ikiworoworo iyioo Sampur aabaki Ndapan saal
(9), neworo orot are kutuaa, naaji Nkishu Naibor O Nkishu Naarok. Kore
Lmareita isiet naa keramat Nkishu. Naa kore nkae naa ntolu (ltorrobo).
Ngura naa ana limunoto naibalunyie inia bae oleng;
5. Long’eli
6. Lorokushu
7. Lukumae
8. Loimisi
1. Lmasula
2. Lpisikishu
3. Lng’wesi
4. Lnyaparrae
Nkishu Naibor
Nkishu Naarok
Sirata E Nduata E
Sampur Naipirita
Ramatare E Suom
O Sipata O
Mpaash Natii
Nicnhe Te
Nkitubularoto
E Nkula E
Suom Enche O
Nkingurata E
Parakuoisho
Te Nkidapash E
Ntokitin Naitayia
Nkai
Ikiwuatakita ene taata nikimanya tesedi lari le apa oleng. Naa nena
katitin etijingie lapa arikkoni Lo Lmaasai oji Lenana lning’o O loshumpa
neyaau ilo ningo meitaini iyio te nkop aang e Laikipia neiwuotieki iyioo o
osiom aang errunkud aa Nkishu, Nkerra o nkineji.
KIRA YIOO LARAMATAK LO SUOM ERRUNKUD EPARRA
AANG
Kore manyicho aang naa Lkeesin, neutu ajo ikingamaa nchan nemelioo, nikindimutua kuna manyicho tenkaraki Lng’iria loosuom aang e
rrunkud, nikitabarutua iyioo Olkulie sii oreren lemelamita iyioo te lkuaak
ramatare.
Kore etiu nejia, teng’asunoto enkibelekenyatta e lwuao le nkop, netemenunye aaku kiti nchan ochi nikitum, neboloki iyioo nkolongi o lameitin
nepejoki suom aang biotisho e seseni lenche, lorresh ogol.
Suom aang E Rrunkud: Ikiramat nkishu doropu enkop Nailepuyie
Ndama te nkop O Loorok aa taa Kenya, Uganda O Tanzania, nikiramat
sii Nkerra Nanyokuo E lmaa O nkineji einia kop ake. Kore suom aang e
rrrunkud naa ketomoo nkop aang te nkaraki Lmoo le suwuo makoon- aa
taa ntoki ake nagol nanya nekoon nalekunye, naa nejia sii etiu kisulaki
iyioo mbarunoto e nkula enche kimpidaki aagelu nkula nikiyieu nikintarasaa.
3