Sirata E Nduata E
Sampur Naipirita
Ramatare E Suom
O Sipata O
Mpaash Natii
Nicnhe Te
Nkitubularoto
E Nkula E
Suom Enche O
Nkingurata E
Parakuoisho
Te Nkidapash E
Ntokitin Naitayia
Nkai
NKITAMANYUNOTO ENA SIRATA
Ikira iyioo Sampur nikira laramatak loo siom omanya ngojitin kumok
nepaapasha tiatua locho le Kenya.
Kiramat siom ang e apa tenebo sii nikitumo kuna nataana to nkuliekuapi, aa kore Nkishon ang pooki naa siom ang ake eirishakino neipirita.
Kore Lkuaak lang naa keisho iyioo mataramatisho mikiata nyamali ongwesi, nikintubulaa ramat e runkud e siom ang tenebo nkae murdaisho
e nkop ang. Aa Nkujit taa, olkeek eata Nkonyek e Nkariak o nkulupo o
nkulie kumok. Keretu yio ana maitudupai.
Kore etiu nejia naa ikidolita ake aajo kore Lwenet lang o siom aang e
runkud naa meishoritae tipat teramatare e taata.
Keitubularita ake Sirkali ramatare eenkulie kula ee siom naaponuta aaya
mpaash tanaa aibelekeny Nkunanang, nepik iyioo reshet oironyie iyioo
nkolong’i neyaau nyamali sapuk taatua Ltungana Lang.
Kore ana kigeroto naa Nkipirta e runkud ang. Neutu nduata endapasho
e mpaash naata siom ang e runkud te lkuaak lolokop o tipatisho enche
te nkop pooki nalulunga paa to loorok tanaa sii to loibor.
Kore ana kigerore nerrerrekwanu aitobir rishata neitelioo tipatisho e
nkoitei aang enkishon o tipatisho e siom aang enkapaapa, Nchere kore
kira laramatak lebulbul kop e siom naata tipat, ikiata sii iyio sipata tanaa
mpaash nikintubularie nkoitei tanaa lkuaak lang le nkishon.
Keutaki Lkulie ajo taa paash kishamaa mbaa metaasi to nkulupo aang
tanaa naipirta siom aang errunkud o ngeno elkuaak lang.
Kore Te sipakinoto naa kuna baa elimu (eineneu):
Kore Suom aang errunkud (mbarunot esuom ang): Ikibarita nkishu dorropu naatumi te Nkiliepunoto endama E Nkop E Loorok aa taa, (Kenya,
Tanzania O Uganda). O Nkerra Naanyokuo Elmaa, O Nkineji
2
Oongae Kira iyioo:
Nguton e suom nikiramat
Tipat esiom aang telkuaak lang
Rishata naponiki Lkuak lang ramatare o nkungurata e murdaisho e
nkop aang
O ngeno e lkuaak lang eipirta nkitanapat elwenet lang
Nkitanapat ang, o rrekiei oyiere neiparishereki iyio engor asata ee
mbaa, neyiere pee eyanyiti te pooki oitei te asata embae ake pooki,
anaake tekeper nkulupo aang tanaa nautu siom aang anaa ng’eno
enkuruk anaa errunkud aang.
Lkungushi le taata tanaa ngolot nikimpirare.
Nkitogolio aang te mbaa etaata naironyita iyioo
Lkilikwai Lang Te Sirkali, laibirribirrak loo mbaa (laing’eni le nkisoma) o Lkishirai te lturrurri oitasheki mbaa e lochon te nkop pookin
nalulung’a.