Sirata E Nduata E
Sampur Naipirita
Ramatare E Suom
O Sipata O
Mpaash Natii
Nicnhe Te
Nkitubularoto
E Nkula E
Suom Enche O
Nkingurata E
Parakuoisho
Te Nkidapash E
Ntokitin Naitayia
Nkai
tagoroo sirkali naa keyeutua nchalan atua suom aang apake errunkud
tenkipirta duo elwuao lenkop. Kore te rereei lena palai naa ikijo na ikiata
sipata naipari iyioo mbae ake pooki ewuon engor asata e mbae pooki
ake naje te keper nkulupo aang.
Kore ochi naa lpayiani oowal rerei lang ang’asu te murua neilepaki
ndapan neiliepaki lmare loolokop pooki, terisiotroto duo embaa tanaa
sii terisioroto eparakuoisho naasishereki. Atuwuana walata engoji duo
neitami suom naa keimie ake lpayiani lee Nkangitie naataanikino peyie
engari nkujit. Kore mbaa duo naipirta ngelunoto ee nkula supati e nkerra
naa keimaki ndapan pooki te nkidapash. Kore mbaa naijo kuna naipirta
nkitanapat aang naa keyiere peyie eipari iyioo engor asata ake pooki,
naipirta iyioo, atuwuana duo nkitamaaya naipirta nkitubularoto ee nkula
e suom aang, asat ngejuko, asata tekeper nkulupo aang o asata engeno
aang to lkulie tungana.
Kore ake lomoni pooki olotu nkop ang naa keyiere peyie yeata nkugwana O lPayiana lang kutuaa nelimu aajo oongae yeasishore naa nyo
eyiu neas, newalu sii ninche nikimpar ninche. Naa keidim lturrurr leinia
kop oitore nkulopo atowulu naa tanaa ntoki e nkidapash naipirita losho
neidim neimaki siamu kitok eelpayiani.
LKUNGUSHI
Kore ake anaa pooki ngae te Losho Le Kenya, ikitumuto sii yioo nyamali
sapuk e nkolongi, naironyakita ake Kenya pooki. Kore kira laramatak
loosuom nikirishakino nkop oleng, keirranita iyioo nkibelekenyat e lwuao
le nkop, nikiata naa woshoto nalio enkibelekenyata ngejuk e lwuao te
nkop nalulunga ana najo Lashumpa “Climate Change”.
Kitisiputua aadol tiatua larin tomon oisha nchan edoyiorita neibir larin,
naa ana nkolong ekwe torruno nikitoduaa iyioo te nkishon ang. Kerrumokitai yioo lpoor metaa to lpesheu kinyuakita kishon. Kore nkibelekenyata elwuao neisimakita yioo matanang’are nyamalitin naa pudupuda
nemeata nemedirakino neidingakino nkae.
1. Kore nkishu aang o ntare aang naa kepoito kwe aadoyio tenkaraki
nalau nkujit o nkare. Kore nalioo oleng naa lkiyie lekuna suom kitapaashunot naaye tesiana sapuk aalang kuna aang shiake errunkud
2. Kore nkituduparoto enkula esuom eishinga naa sirkali nateretua,
nejoki iyioo keitai kule anaa nkiri alang nkunanang, kore te nkaraki
inia nikipik Lmeregeshi oorokweshi le dopa atua ntariang nikimena
nkunanang.Kore anaa nikitejo taata naa ikinkerrkei mpaash ee suom
kitapaashunot tenkaraki nkibelekenyata elwuao. Kore nkinyala natijingua mputoto esuom aang tanaa nkibelekenyata enkula, o nkutisho e siana lo lmeregeshi oowuon era/yeata naapa kula aang, naa
ikiure aajo mekure kindim aatum nkula aang naasipa tanaa aimul.
8
3. Kore mponari emoyiaritin naatumuto siom aang kipaashunot, naa
kerrinyito siedi siana lo suom aang, kore narepu inia naa medupa