Kore rrekie le 3 naa keirishakino kuna baa:
Motua e 8 (j).’’Kore Lturrurri oasishore kuna neyiere peyie yeasishore tiatua locho letaata oitoreisho nena kitanapat, neanyit, nerip, neramat neitubulaa, ngeno, ntokitin ngejuko, rekiei o ltungana leapa o loreren epudaki lkuak
lenkishon enche oyiere te nkiasishore nabiikoo e ntokitin naishu naitobira
Nkai...”.
Motua e 15 (4) (g). e rerei le 21 naa keipot Sirkali te mpaash nayiere
‘’metashamai neitubulaa rekiei le rrunkud o ngeno e ltungana le rrunkud o
lorere lenche…. Nena nairirikino nkingurata e ntokitin naitobira Nkai neasihoreki te nkoitei naitobikoo.
Motua e 15 (5) (e) rerei le 21: Kore Sirkalini naa keyiere ; nepik atua
Nkitanapat e Locho, neya rishata, neyanyit, nesir, nerrip, neitubulaa asata
einia ngeno te nkidapash, o mbaa ngejuko supati, o rrekiei supati lo ltungana
leapa, epudaki nkishon e lkuak lenche te ramatare e ntokitin natobira Nkai o
nkisiaishore enche te nkoitei nabik e nena tokitin…”.
Sirata E Nduata E
Sampur Naipirita
Ramatare E Suom
O Sipata O
Mpaash Natii
Nicnhe Te
Nkitubularoto
E Nkula E
Suom Enche O
Nkingurata E
Parakuoisho
Te Nkidapash E
Ntokitin Naitayia
Nkai
Kore te kulo rrekiei otisiraki nelioo tiatua orot o nkianapat enkop nalulunga, kore Sampur otii naa atua loreren leapa oo ramat suom neikurukore lwuao le Nkai tenia ramat te nkitubularoto e nkula e suom naa
keshamakino naa ninche sipat naijo kuna:
1. Keata naa Sampur sipata peyie eimie mbaa naipirta nkutubularoto
enkula e suom enche neitubulaa nkula naayieu ninche neramat sii kop
natii ninche.
Kore ana sipata naa keretoo ana bae:
Motua e 10 © e nkitanapata e ntokitin naitobirua Nkai te nkidapash:
“peyiere neata lturrurri nerrip neretoo rrekiei e nkisiashore e kuna tokitin
naitobira Nkai terisioroto e rekiei lo lorere leapa nena nairirikino nkungurata
tanaa ramatare e kop nabikoo e nena yieunot e tungani”
2. Keyiere peyieyeata Sampur sipata nashulakinore nkitainoto e rrekiei o
asata e nena rishat naaipirta nkutubulatoro e nkula e suom te nkaraki
yieunot endaa o ramatare (nturore).
Kore ana sipata naa keretoo ana bae:
Motua e 8 (j) e nkitanapata e ntokitin naitobirua nkai te nkidapash;
‘’keyieu naa kore lturrurri neretoo te nkidapash nchulakinoto e asata e ngeno,
ntokitin ngejuko o rrekiei lo ltungana leapa o loreren lenche eingoru nchamaroto enche o mpaash enche teina asata.”
Motua e 14 (1) (a) e nkitanapata e ntokitin naitobirua nkai te nkidapash;
‘’keyieu Ltururri peyie eitodolu nkoitei naayiere naayieu neingurari ngas mbaa
ewon eitu yeasi nyamali anaa supatisho nayau te ramati nayieuni neijipu peyie
etumi aitodoropu nyamali naidim ayau te ntokitin naitobira Nkai te nkidapash
naa kore tenkidimata neijo sii lorere metushulakinoto inia asata”.
15